Poker á morgun?

Ef Gunni svarar játandi og Kriz svarar játandi þá er svarið já því ég er til.
Allar líkur eru á því að þetta verði hjá Snorra.
Hvað segið þið... mætið þið?

Kvöld 9

Já ég ætla nú ekki fjalla mikið um mótið sjálft. Mættir voru ásamt gestgjafanum Hauk B; ég, Svenni, Gunni, Gaui, Jói, Kriz, Silli og Snorri.

Klukkan er margt og um meira mikilvægt að skrifa en hvernig þetta gekk allt fyrir sig. Í stuttu máli þá varð Gunni í 3. sæti, Svenni í 2. sæti og Haukur B. tók þetta.

Þetta þýðir í raun það að á miðvikudaginn eftir viku að þá geta tæknilega séð 4 menn unnið tímabilið. Það er þó ólíklegt að ég nái því, en það er þó möguleiki. Líklegast er að Gunni, Kriz eða Haukur B. vinni þetta og gaman að því hvað þetta er jafnt á lokasprettinum

Það sem þarf þó að ræða er hvernig við leysum það ef að tveir eða fleiri verða með jafn mörg stig eftir spilið á miðvikudaginn kemur. Allir að leggja höfðuð í bleyti.

Tillögur þegar komnar fram:
- Sá vinnur sem fleiri mót hefur unnið á tímabilinu. Ef það er jafnt, hvor hefur þá oftar lennt í 2. sæti og svo koll af kolli.
- Að þeir sem eru jafnir að stigum í lokin spili annað spil til að sjá hver tekur titilinn.

Emdilega að koma með fleiri tillögur eða að styðja þessar hér að ofan. Hvor er betri og sanngjarnari?

Skráning á mót

Veit ekki af hverju ég er að skrifa þetta því það skráir sig engin lengur á mót

Allavega þá er hér möguleiki til þess. Mótið er á morgun hjá einhverjum… hver vill halda það? Ekki eins og einhver svari því hér… les þetta nokkur maður spyr ég bara

Allavega þá er ég langbesti Pokerspilarinn af ykkur öllum

Hver ætlar að mæta?

Poker á morgun - skráning

Á morgun 28. apríl þá er Poker. Hann verður þó ekki fyrr en klukkan 21.00 en STUNDVÍSLEGA verður byrjað klukkan 21:00

Ástæðan er Champions league og væri nú ráð að koma saman og horfa.

Hver vill halda Pokerinn á morgun og hverjir mæta (fyrir utan mig)?

Kvöld 7

Mótið var haldið hjá Gauja og er þetta fjölmennasta mót tímabilsins.

Mættir voru: Gaui, Hawk, Haukur B. Kriz, Snorri, Snorri P. Gunni, Silli, Tommi og Svenni.

Nú eins og gefur að skilja þá tók þetta allt saman sinn tíma, en það var ekki bara slegið met í þátttöku heldur var einnig slegið met í rebuy-i eða alls 8 sinnum.

Gunni spilaði djarft þar sem hann þurfti að fara snemma og í lokin gaf hann chipsin sín. Hann fær samt þann heiður að vera “first out” – takk fyrir chipsin.

Nú menn duttu svo út hver af öðrum þar til Kriz, Snorri P. og ég spiluðum um stig og pening.

Snorri P. datt fyrstur út eftir að hafa verið chipleader lengi vel í leiknum. Við Kriz tókum nokkrar hendur og loksins heppnaðist það hjá mér að taka hann út og vinna.

Staðan er því enn að jafnast og ekki nema 2 alvöru kvöld eftir og svo lokahóf.

Skráning á mót

Já það er Poker á morgun. Ekki gleyma að skrá ykkur… annars verður kannski bara búið að fylla í sætið ykkar af föngulegum berbrjósta gellum… og ekki nennum við því….   eða hvað????

Kvöld 6

Mættir til leiks heima hjá mér voru ásamt mér að sjálfsögðu, Svenni, Haukur B, Gaui, Silli, Gunni, Snorri og Kriz.

Við byrjuðum frekar seint þar sem við máttum ekki missa af Skotum vinna okkur í fótbolta. Góður leikur samt.

Þetta kvöld var eiginlega kvöld ásaparanna. Rocket pocket komu oftar en ekki upp hjá mönnum en ég held að ég hafi verið óheppnastur… var með 10 par á hendi og 10 í borði og fór all in á móti Hauk en hann var þá einmitt með ásapar á hendi og ás í borði. Skelfilega var ég fúll.

Nú nýja borðið reyndist vel. Kriz var þó ekki sáttur við það og ákvað bara þess vegna að detta fyrstur út. Svo datt Gaui út eftir að hafa keypt sig tvisvar inn. Svo fór ég, loks Svenni og svo Haukur B.

Því var ljóst að Snorri var að fá sitt fyrsta stig síðan 16. jan í lokahófinu hjá Gauja.

Snorri tók 3. sæti og svo tók Gunni Silla eftir æsispennandi baráttu hjá Silla. Silli var ekki feiminn við að setja inn chipsana sína þetta kvöldið enda var han lengi vel lang stærstur.

Gunni hefur því tekið forustuna í stigamótinu en það er nú samt fáránlega jafnt enn svo þetta verður skemmtilegur endaspretturinn sem ég ætla að t aka.

Poker á morgun

Poker á morgun heima hjá mér klukkan 20.00.

Poker hjá Svenna

Þá er það staðfest. Pokermótið verður hjá Svenna á miðvikudaginn stundvíslega klukkan 20.00

Hann býr á Eiríksgötu 15. Áttundi maður að skrá sig mætir með sinn eigin stól :)

Kvöld 4

Staðsetning: Barnónsstígur 31 – Haukur bró.
Tímasetning: 20.00
Mættir: Haukur bró, Gaui, Gunni, Hawk, Svenni, Óli (vinur Gunna), Tommi (vinur Gauja) og Silli (gamall klúbbfélagi).

Já þetta var hörkukvöld. Góð mæting, en þó datt ég snemma út svo ég get ekki alveg fjallað um kvöldið sjálft þar sem ég fór heim eftir að ég datt út.

Það allvega kom upp þessi hönd sem sést á myndinni. Tveir voru með ásapar á hendi, auðvitað man ég ekkert hvaða tveir það voru, enda aldrei verið góður í að muna Poker atvik.
Tókst heldur ekki betur til að taka mynd af höndinni en að ég tók stutt video af henni og því er þetta skot ansi óskýrt. (Þó skárri en myndin frá kvöldi 3).

Svenni, Gaui og Tommi keyptu sig allir inn, en það dugði þeim ekki til að klára spilið. Tommi datt fyrstur út síðan Svenni, loks ég og þá Gaui.

Haukur bró. datt fljótlega út eftir það og þá voru 3 eftir. Gunni datt næstur út og fékk því eitt stig og því ljóst að tveir efstu menn voru tveir sem höfðu engin stig. Óli vann og Silli varð annar.

Stigin eru því orðin enn jafnari en áður og alls 8 manns sem eru með frá 5 stigum niður í 2 stig og þar er núverandi meistari ekki talinn með því hann er enn með 0 stig.

Poker á morgun

Samkvæmt planinu þá á Poker að vera hjá Hauk bró. á morgun. Það allavega verður Poker. Skráið ykkur :)

Kvöld 3

Staðsetning: Kleppsvegur 50 – Gauti.
Tímasetning: 20.15
Mættir: Gauti, Gaui, Gunni, Haukur B., Hawk, Kriz og Þrándur

Þetta var hörku spilakvöld og tók alveg þónokkurn tíma að fá úrslit. Greinilegt að við erum að verða mjög svo pro í þessu öllusaman.

Gaui var fyrstur að tæma sína peningahrúu svo hann keypti sig inn aftur og Haukur bró gerði einnig það sama stuttu síðar. Haukur bró spilaði svo djarft og datt fyrstur út. Svo duttu þeir koll af kolli Kriz, Gauti og Þrándur. Spilapeningarnir gengu þó furðu vel á milli manna og oftar en ekki duttu menn út með góðar hendur.

Þessi hönd á myndinni gleymist seint, en ég er þó búinn að gleyma hver var með hana og hver var tekinn út í þessu spili :) Tvö neðstu spilin eru tveir fjarkar svo þetta er ferna … góð mynd :)

Ég allavega datt svo út næstur með 1 stig. Gunni og Gaui kepptu því um stigin 4 meðan aðrir spiluðu tennis í Wiiiiii. Það kom svo að því að dró til tíðinda og var það Gaui sem tók sigurinn og það hefur ekki gerst síðan í fyrsta spili á seinasta tímabili.

Staðan er því mjög jöfn eftir 3 kvöld. Einungis 3 stig skilja að 6 efstu menn og því ljóst að þetta verður spennandi tímabil.

Poker hjá Gauta á miðvikudag

Já nú verður Pokerinn hjá Gauta.

Hverjir mæta og hverjir mæta ekki?

Veit að Svenni verður á spítala og veit að ég mun mæta.

Kvöld 2

Það var haldið af stað uppí sveit með nesti og fullan tank af bensíni. Endastöð var stofuborðið hjá Gunna.

Mættir til leiks sem allir mættu á sama bíl til að spara bensín og umhverfi voru (sko fyrir utan Gunna) Gaui, Gauti, Svenni, Haukur B. og ég.

Þrátt fyrir fáa spilara þá tók spilið nokkuð langan tíma og var ekki búið fyrr en rétt fyrir miðnætti.

Haukur B. keypti sig fyrstu inn og Gaui fylgdi svo í kjölfarið. Svo var lengi spilað en svo kom að því að Gaui datt út. Ég reyndi svo að þrauka inni eins lengi og ég gat en ég kenni lélegri spilamennsku minni um að ég datt svo næstur út.

Svenni, Haukur B. Gunni og Gauti spiluðu svo ansi lengi áður en einhver datt út. Svenni var oft nálægt því en einhverra hluta vegna náði hann alltaf að þrauka inni. En svo kom að því að hann datt út. Gunni datt næstur út og Haukur B og Gauti kepptu um sigursætið. Þeir hafa hvorugur lennt í fyrst sæti. (Gæti þó verið að Gauti hafi náð fyrsta sæti á seasoni 1 eða 2. Upplýsingarar frá þeim tíma eru af skornum skammti)

Gauti var bæði heppinn þegar hann þurfti og spilaði vel þegar hann þurfti. Hann tók því þennan sigur sem hann hafði beðið lengi eftir og fyrir vikið er hann á toppi deildarinnar eftir að hafa mætt bæði kvöldin og með 4 stig.

Staðan er því mjög spennandi í klúbbnum eftir 2 mót eins og sjá má hér hægra megin.

Næsta mót er hjá Gauta eftir 2 vikur.

Poker hjá Gunna ekki Gauta.

Gauti fær miðvikudaginn eftir 2 vikur en í kvöld verðum við hjá Gunna.

Poker hjá Gauta á morgun

Endilega skráið ykkur á mótið hjá Gauta á morgun. Ég mæti :)

Stundvíslega klukkan 20.00

Season 6 hafið

Kvöldið í gær var nokkuð spennandi. Vitandi af miklum mótmælum í bænum sátum við í hlýjunni og hófum tímabilið.

Mættir til leiks heima hjá Gauja voru ég, Gauti, Snorri, Gunni, Haukur B. og Kriz sem var í boði Gauja. Hann kemur hugsanlega í staðinn fyrir Hlyn þar sem við höfum kvatt hann með tárum.

Þetta byrjaði með B.O.B.U. sem sé bombu því Snorri fór All-in á fyrstu hendi ef ég man rétt. Gaui tók því svo Snorri féll út strax, en keypti sig svo aftur inn. Þá var ákveðið að rebuy verður framvegis leyft í lágmark 60 mínútur en annars 20 mínútum eftir að fyrsti dettur út.

Nú Gunni var ekkert heppnari þó svo að Svenni hafi ekki verið á staðnum og kláraði hann líka sinn aur mjög fljótt og keypti sig aftur inn. Snorri datt svo út aftur og keypti sig inn.

Gauti fær hins vegar þann heiður að vera fyrstur út á tímabilinu. Gunni varð næstur, svo Haukur B. og loks Snorri.

Mér tókst svo að fá Gauja All-in á móti mér og tók hann út og endaði hann því í 3ja sæti. Það voru því ég og nýliðinn Kriz sem kepptum um sigurinn og peninginn. Það fór allt mjög rólega af stað en svo kom að því að við fórum báðir All-in. Ég með Ás og sjöu á hendi en Kriz með Ás og Kóng. En svo kom floppið og þar var Ás, 10 og eitthvað rusl ef ég man rétt. Svo kom 10 og hér héldum við að einungis sjöa mundi bjarga mér og hún kom og við fórum að ganga frá. Ég tók sigurlaunin og Gaui fór á klósettið og uppgötvaði þar að auðvitað að tvær tíur í borði eru hærri en mínar sjöur svo ég þurfti að skila peningunum til baka hinn fúlasti og við spiluðum til loka, ég auðvitað með bara mjög fá chips eftir. Kriz tók þetta svo á endanum.

Þetta var svekkjandi fyrir mig að vinna og svo ekki vinna. Minnti dálítið á landsfund Framsóknarmanna, en rétt skal vera rétt.

Endilega kíkið á næstu mót. Ég raðaði þessu upp í stafrófsröð og auðvitað má víxla og breyta eftir vild.

Mót á miðvikudaginn

Hverjir ætla sér að mæta á fyrsta mót tímabilsins hjá Gauja núna á miðvikudaginn?

Svenni sigurvegari

3 Pör óskar Svenna til hamingju með yfirburða árangur á því tímabili sem endaði á laugardaginn. Hann gerði sér lítið fyrir og vann lokahófið sem og svo oft áður á tímabilinu.

Annars var lokahófið mjög vel heppnað. Sumir voru fyllri en aðrir og kannski aðeins of fullir en nefnum engin nöfn þar.

Gunni var í öðru sæti þar sem hann mætti oftar en Hlynur og náði ég svo sjálfur að stela 4. sætinu af Gauja á lokakvöldinu.

Frábært tímabil á enda en ég held að næsta tímabil verði jafnvel enn betra.

Lokahóf

Jæja dúddar. Þá fer að líða að þessu. Jakkinn klár og allt að verða tilbúið fyrir lokahófið.

ATH að mæting er til Gauja klukkan 19.15. Þá verða pantaðar Pizzur og Poker spilaður að venju. Hver kemur með sitt bús, en ég er að spá í að splæsa í eina skotflösku til að hafa með. Þessar reglur eru komnar og ég held að þær séu staðfestar nema einhverjir mótmæli:

• Reglan sem Þrándur kom með... hvernig var hún aftur nákvæmlega???
• Ef dealer gefur Dauðaspaðann á borðið þá þarf hann að taka eitt staup.

Endilega komið með fleiri.

Hverjir geta svo mætt? Ég mæti 100% og Gaui mætir 100%. Held að Svenni sé alveg 100%, Hlynur kemst að öllum líkindum ekki en aðra veit eg ekki um. Endilega látuð vita hvort þið komist eða ekki.

Kvöld 9

Það var ágætis mæting heima hjá Þrándi á miðvikudaginn. Ásamt gestgjafa var ég, Gaui, Svenni, Haukur bró, Gunni og Snorri. Þetta byrjaði allt nokkuð rólega og leið þónokkur tími áður en einhver datt út. Það var Þrándur sem fyrst datt út og á þeim 20 mínútum sem mátti kaupa sig inn eftir það keyptu Gaui og Snorri sig einu sinni inn.

Nú buyin-ið hans Gauja dugði þó ekki til því hann datt fyrstur út og Snorri fylgdi í kjölfarið. Ég og Þrándur urðum svo næstir út og sátu Haukur bró, Svenni og Gunni eftir að keppa um stigin.

Gunni "óheppni" var alveg einstaklega óheppinn á móti Svenna "súper-heppna". Ég hef aldrei séð heppnari mann í Poker á einu kvöldi. Að fá fullt hús 3svar í röð á krap spil er nú bara met. Svo ofaná það þá fékk hann fullt hús með 7 og 2 á hendi og þar af leiðandi skuldar Gunni Svenna eitt stykki bjór.

Gunni "óheppni" datt því út í 3ja sætinu og bræður börðust um fyrsta sætið. Það gekk nokkuð hratt, því við Þrándur erum svo góðir í að gefa. Nú það þarf varla að segja annað en Svenni "heppni" til að þið vitið hver vann mótið.

Það er talað um meistaraheppni og það var það sem var í gangi á miðvikudaginn því með þessum sigri tryggði Svenni sér titilinn þetta tímabilið og óska ég honum til hamingju með það. Lokakvöldið verður því auðvelt fyrir hann, en ég ætla mér að vinna Gauja og ef Hlynur mætir þá verður hörkubarátta um annað sætið.

Lokakvöldið verður heima hjá Gauja föstudaginn 16. jan klukkan 19.00
Planið er að hafa eitt spil og svo kannski Partýsapil eða eitthvað eftir það.

Poker í kvöld

Annað hvort hjá Þrándi eða Gauja.

Lokahóf

Ég sendi út smá skoðanakönnun fyrir jól eða áramótin og fáir svöruðu en þó 4 með mér. Þar kom í ljós að 75% vildu hafa lokahófið 17. janúar, en þar sem sá dagur er eiginlega frátekinn fyrir afmælisveislu tvöfalds meistara 3ja Para þá finnst mér við ekki geta haft það á þeim degi.

Persónulega finnst mér samt meira gaman að hafa lokamótið á þannig degi að við getum nú drukkið meira en venjulega. Því gætum við haft þetta á föstudegi. 9. eða 16. jan. eða fyrir þrettándaveislu Hjalta laugardaginn 10. jan.

Upp hefur komið uppástunga að lokamótið verði núna á miðvikudaginn. Ef meirihlutinn er hlyntur því þá tek ég því, en eins og fyrr segir fyndist mér meira gaman að hafa þetta á flöskudegi :)

En það þurfa helst flestir toppmennirnir að geta mætt á lokamótið og skemmtilegast að hafa sem flesta. Hlynur segist ekki geta mætt laugardaginn 10. jan, hvað með föstudagana sem um ræðir?

Endilega skrifið hvað ykkur finnst.

Hver er til í að halda mótið núna á miðvikudaginn og hverjir mæta pottþétt (fyrir utan mig)?

Þrándur kom með skemmtilega athugasemd fyrir lokahófið: Hver sá sem tekur út annan mann þarf að drekka einn bjór. Annars er refsing, 100 kr/mín þar til bjórinn er búinn.